Тенки торти со повеќе нивоа
Помал список на гости согласно протоколите за свадби обично значи дека ќе ви треба и помала торта. Ако сепак го сакате оној популарен изглед на свадбена торта на неколку нивоа, ова е одличен начин да го добиете. Најчесто се практикува две до четри потенки нивоа за свадба со помалку гости.
[su_image_carousel source=”media: 149879546486,149879546488,149879546470,149879546468,149879546474,149879546476,149879546478,149879546480,149879546482,149879546484″ controls_style=”light” crop=”none” columns=”5″ link=”lightbox” target=”self”]
Препорачуваме за денес
Торти во комбинација со други слатки
Ако не можете да се одлучите помеѓу традиционална торта или комбинација со макаронс? Не морате! Сè повеќе, тренд во слаткарството е да се додаваат повеќе различни слатки на свадбените торти, нудејќи им интересен и впечатлив изглед на нежно декорираните свадбени торти.
Торти на едно ниво
Мини свадбите се најдоа во центарот на вниманието во последно време, а паровите започнаа драматично да ги намалуваат списоците со гости, или да организираат мини прослави во домашни услови за потесниот круг од семејството. Ова ќе продолжи и во 2021 година додека
има рестриктивни мерки за големи свадбени прослави. Прекрасно украсената едностепена торта е совршена опција за помала група на гости што нуди доволно за секој да ужива во едно парче. Овие торти се одлични и како подарок од страна на побратимот или кумот на свадбената веселба.
Индивидуални мини тортички
Многу парови се одлучуваат за индивидуални мини тортички кои се послужуваат на гостите на своето место. Тие имаат посебна убавина и се се повеќе популарни како индивидуални десерти или во комбинација со свадбена торта.
Торти со акварел декорација
Тортите со акварел декорација и артистичен пристап се популарни во последните години, но во последно време овој тренд се зголемува и паровите се почесто се одлучуваат за овој стил на декорација. Тој нуди можност за изработка на елегантни и нежни дизајни со атрактивен изглед и декорација.
Торти декорирани со цвеќиња од шеќер
Торти декорирани со шеќерни цветови кои се јадат се појавуваат се почесто на свадбените торти. Паровите повеќе преферираат шеќерни цветни декорации, наспроти декорација од фондан или природни цветови, бидејќи покрај прекрасниот изглед тие се и вкусни за дегустација.
Чисти едноставни декорации
Чистите и едноставни дизајни, т.н. голи или полу голи торти, кои се украсени со дискретни рустични детали, цветни детали или свежо цвеќе се практикуваат со години наназад и овој тренд постојано расте меѓу паровите.
Модерни уметнички парчиња
Кој вели дека свадбената торта мора да има округло ниво или да биде со нежни и светли бои? Паровите се повеќе сакаат да ги импресионираат гостите со артистични дизајни, големи ремек дела во форма на торта или некоја сопствена замисла со темна колор палета, металик дизајн и слично.
За кој стил и да се одлучите тимот на Слаткарница ЗАФИР е тука да ја направи вашата торта од соништата.
Побарајте понуда на следниот линк: Побарај понуда за торта
