Ако планирате свадба во 2022 година, времее да се информирате кои се трендовите во свадбените торти оваа година. Можеби веќе имате на ум како ќе се облечете, каква ќе биде музиката, ресторанот, храната и други важни детали, но секако настанот мора да биде проследен со импресивна свадбена торта. Веднаш после невестата и невестинскиот фустан, тортата е следната ѕвезда на оваа многу важна вечер. Додека класичните бели свадбени торти секогаш ќе бидат прекрасен избор за оваа пригода, опциите за свадбени торти и други задоволства постојано се прошируваат. Има неверојатни дизајни кои станаа уште попопуларни во текот на изминатите неколку години, заедно со новите техники кои слаткарите се возбудени да ги претстават пред своите клиенти.
Подготвени сте да го најдете совршениот дизајн на свадбена торта за вашиот датум во 2022 година? Прочитајте го нашиот блог и дознајте што ќе биде во тренд во слаткарската свадбена индустрија од прва рака.
Препорачуваме за денес
Барелјеф детали на торта
Барелјеф е техника на резба што се користи во скулптурната уметност, но сега се проби и во светот на дизајнот на колачи. Кремот се користи за да се создаде малку подигнат дизајн на
тортата, што резултира со импресивно ремек-дело. Барелјеф е начин да додадете класика на вашата свадбена торта.
Втиснати цветни елементи
Убави органски цветови на свадбените торти и други слатки задоволства се во тренд последните неколку години. И, овој тренд е тука за да остане во 2022 година. Овие цветни елементи се совршени за сè, од бохо венчавки до свадби во градината од бајките, има многу различни опции со сите различни цветни типови. Бидејќи се работи за уникатни стилови, не мора да одговара на свадбениот декор.
Мали свадбени торти
Ако сè уште се надевате дека ќе имате церемонија на сечење торта без масивна торта, ова е идеалното решение. Овој тренд го имаше своето деби во 2021 година, бидејќи паровите се соочуваа со последици од пандемијата и планираа микро-свадби, но тоа сеуште не е завршено. Паровите се одлучуваат за мала торта на едно или две нивоа, но иако се мали сепак тоа не ги спречува дизајнерите да направат помало ремек-дело во форма на торта.
Впечатливи и шарени торти
По толку многу неизвесност во пандемијата и намалување на рестриктивните мерки, паровите се возбудени да ја организираат свадбата од соништата со впечатлива и шарена торта која го одразува славеничкиот тон на настанот. Затоа паровите се одлучуваат за четри или пет катови со кои тортата достојно ќе доминира на свадбената трпеза и во вистинско светло ќе го прикаже значењето на свадбената прослава за невестата и младоженецот.
Индивидуални мини тортички
Многу свадби во 2020 и 2021 година имаа поединечни декорирани мини тортички наместо голема, повеќеслојна торта, а тој тренд е дефинитивно тука да остане и во 2022 година. Овие
тортички за секој поединечен гост се одлична комобинација со дополнителна мала свадбена торта која ќе ја сечат младите.
Црни торти
Сакате да покажете нешто смело? Црните торти можат да бидат дизајнирани да одговараат на секоја свадбена тема. Црните торти се комбинираат со металик боја или со други топли тонови
кои имаат контрастен ефект, а од друга страна додаваат разиграност во елеганцијата на црните тонови.
Модерни уметнички ремекдела
Колку повеќе паровите се возбудени да направат бум во 2022 година, нивните желби за дизајн на тортата стануваат сè покреативни. Се почести се високите и тенки торти со уникатни
пропорции, што резултира со прекрасен грандиозен изглед и простор за уникатен дизајн на тортата.
Реплицирани текстури
Изборот на текстурата или текстилот што го сакате и негово инкорпорирање во темата и дизајнот на вашата свадба ќе биде супер тренд за 2022 година. Тоа значи дури и да го инкорпорирате и во вашата торта! Се враќа трендот на големите торти со повеќе нивоа со многу лични детали, без разлика дали се работи за чипка реплицирана од венчаницата на невестата или специфичен модел на шара која се користи во целокупната тема на свадбата.
Цитрусни торти
Свадбената прослава на отворено е многу популарна во пролетниот и летниот период. Многу парови се одлучуваат за торта со свеж цитрус или друго свежо овошје како идеална
комбинација која се вклопува во приордниот амбиент на локацијата на отворено каде што се организриа свадбената веселба.
Линии со четка, бисери и проѕирен шекерен дизајн
И во 2022 година ќе биде популарна уметничката декорација во форма на линии со четка, елеантните бисери кои од секогаш се популарни како и последниот тренд на апстрактни дизајни на торти кои се изработуваат со проѕирни шеќерни елементи и даваат неверојатно впечатлив изглед на тортата.
Веќе кога знаете кои се трендовите на свадбени торти за 2022 година, време е да побарате понуда од тимот на ЗАФИР и да добиете свадбена торта како што доликува на Вашиот ГОЛЕМ ДЕН!
